សមាគមនិស្សិតខ្មែរនៅសាធារណរដ្ឋកូរ៉េ
ចក្ខុវិស័យ
រឹតចំណងមិត្តភាព ឯកភាពរវាងនិស្សិតខ្មែរ លើកស្ទួយវប្បធម៌ អរិយធម៌ កិច្ចសហប្រតិបត្តិការ រវាងកម្ពុជា សាធារណរដ្ឋកូរ៉េ ចូលរួមចំណែកក្នុងការពង្រឹងសមត្ថភាពនិស្សិតក្នុងទិសដៅអភិវឌ្ឍ និងជំរុញឱ្យមានការពិភាក្សាលើកិច្ចអភិវឌ្ឍទៅថ្ងៃអនាគត ។
បង្កើតនិងពង្រីកបណ្តាញទំនាក់ទំនងរវាងនិស្សិតខ្មែរនៅសាធារណរដ្ឋកូរ៉េ ដើម្បីចែករំលែកចំណេះដឹង បទពិសោធន៍ និងពត៌មាន។
ជំរុញ និងលើកទឹកចិត្តឱ្យមានការសិក្សានិងស្រាវជ្រាវ ដើម្បីអភិវឌ្ឍសមត្ថភាពនិស្សិត។
ផ្តល់ការប្រឹក្សា និងជួយស្វែងរកដំណោះស្រាយអំពីការសិក្សានិងការរស់នៅដល់និស្សិតខ្មែរដែលកំពុងសិក្សានៅសាធារណរដ្ឋកូរ៉េ។
បង្កើតបណ្តាញទំនាក់ទំនងរវាងសហគមន៍ សមាគមខ្មែរ និងអន្តរជាតិនៅសាធារណរដ្ឋកូរ៉េ ដើម្បីលើកស្ទួយវប្បធម៌ អរិយធម៌ និងអត្តសញ្ញាណជាតិខ្មែរ។
រួមចំណែកបង្កើនចំណងមិត្តភាព ភាពជាដៃគូ និងកិច្ចសហប្រតិបត្តិការលើគ្រប់វិស័យ រវាងព្រះរាជាណាចក្រកម្ពុជា និងសាធារណរដ្ឋកូរ៉េ។
គោលដៅ
អំពីយើង
បណ្តាញនិស្សិតខ្មែរដែលកំពុងសិក្សានៅសាធារណរដ្ឋកូរ៉េ ត្រូវបានបង្កើតឡើងដោយ មានឈ្មោះជាផ្លូវការថា “សមាគមនិស្សិតខ្មែរនៅសាធារណរដ្ឋកូរ៉េ” ដែលសរសេរ ជាអក្សរកាត់ “ស.ន.ខ.ក” និងមានឈ្មោះជាភាសាអង់គ្លេសថា “Cambodian Student Association in Korea” ដោយអក្សរកាត់ថា “CSAK”។ ស.ន.ខ.ក. គឺជាសមាគមអព្យាក្រិត មិនស្វែងរក ប្រាក់ចំណេញ មិនប្រកាន់សាសនា និន្នាការនយោបាយ និង មិនធ្វើនយោបាយ។ ស.ន.ខ.ក. បំពេញការងារដោយឈរលើគោលការណ៍ស្ម័គ្រចិត្ត ប្រកបដោយទំនួលខុសត្រូវខ្ពស់ និងតម្លាភាព។